Operasjonsbordet er spesielt konstruert for bruk ved gynekologiske og urologiske operasjonar. Det som særmerkjer bordet, er at pasienten ligg i vanleg flatt leie. Deretter blir pasienten sine bein plasserte i beinhaldarane. Beinplata blir så senka og skyvd inn under ryggplata.
Dette er svært arbeidsbesparande for personalet, som slepp å løfte dei vanlegvis tunge beinplatene av bordet. Ryggdelen av bordet kan òg forskyvast i høve til sokkelen med 425 mm, noko som gjer det mogleg å gjennomlyse pasienten i beinhaldarstilling.
Bordet har òg regulerbar ryggdel ved hjelp av gassfjører.
Operasjonsbordet blir drive elektrisk ved hjelp av eit 24 V batteri, og kan justerast elektrisk til følgjande posisjonar:
- Opp / ned
- Trendelenburg / anti-Trendelenburg
- Sideleie (opsjon)
- Nullstilling av bordet
- Program (minnefunksjon)
Dette blir styrt ved hjelp av fot- eller handbrytar. Bordet blir levert med store hjul, noko som gjer det enkelt å flytte. Det er montert sentrallåsing på dei to bakre hjula, medan dei fremste hjula har individuell låsing, samt eventuell retningssperre på eitt av hjula.
