Bordet er konstruert som eit universalbord. Leiet er firedelt, med elektrisk regulerbar ryggplate. Bordet er utforma med delte beinplater som kan takast av eller svingast til sida. Kvar beinplate er delt i to, slik at den ytste delen kan bøyast ned 90°. Dette er særleg praktisk ved artroskopi av kne, der støtta blir festa på den inste delen, medan den ytste kan fellast ned. I tillegg blir bordet levert med ei avtakbar seksjon for skulderartroskopi.
Bordet kan justerast elektrisk i følgjande posisjonar:
- Opp / ned
- Trendelenburg / anti-Trendelenburg
- Sideleie høgre / venstre
- Rygg opp / ned
- Nullstilling av bordet
- Program (minnefunksjon)
Dette blir styrt ved hjelp av handkontroll. Bordet blir òg levert som standard med fastmontert fotbrytar for styring av opp/ned og Trendelenburg/anti-Trendelenburg.
Bordet blir levert med store hjul som gjer det enkelt å flytte. Det er montert sentrallåsing på bakhjula og individuell låsing på framhjula.
Som standard blir bordet levert med hovudstøtte, sideskinner, madrassar (75 mm), batteri (7 Ah) og ladar (220 V / 24 V).
