Operasjonsbordet er utvikla for bruk der det er behov for optimale forhold for røntgen og bileteforsterkar. Bordet er utstyrt med kassettbru, der røntgenkassett kan skyvast inn frå både hovud- og fotende. Leiet kan forskyvast i høve til understellet, slik at pasienten kan gjennomlysast i heile si lengd. Ryggdelen kan i tillegg justerast opp og ned ved hjelp av gassfjører.
Operasjonsbordet kan justerast elektrisk i følgjande posisjonar:
- Opp / ned
- Trendelenburg / anti-Trendelenburg
- Sideleie (opsjon)
- Forskyving av leie
- Nullstilling av bordet
- Program (minnefunksjon)
Dette blir styrt ved hjelp av handkontroll. Bordet blir òg levert som standard med uttak for fotbrytar, som styrer opp/ned og forskyving høgre/venstre.
Bordet blir levert med store antistatiske hjul som gjer det enkelt å flytte. Det er montert sentrallåsing på dei to bakre hjula og individuell låsing på dei to fremste hjula.
Som standard blir operasjonsbordet levert med hovudstøtte, sideskinner, madrassar (75 mm), batteri (7 Ah) og ladar (220 V / 24 V).
